"S-Sheryl, pwede mo ba akong samahan sa labas? Ilapit mo 'ko kay Sean."
"Ha? S-Sige, p-pero huwag mong sabihing sinabi ko sa iyo, Ate ha? Naku, unang araw pa lang namin mag-bff, break na agad kami. Haayst, bakit kasi itong bibig na ito? Sana hinalikan niya muna para tumikom."
Lihim na lang akong napangiwi sa sinabi niya.
"Teka. Nakita mo ba 'yong sunglasses ko? Pakisuot namin sa akin oh."
"Nasa higaan mo, Ate. Sandali."
Naramdaman ko ang pag-alis niya sa aking tabi at mabilis rin siyang nakabalik.
"Heto na, Ate." She immediately put the sunglasses on my eyes before she helped me walk out of her room.
May sarili siyang silid at magkatabi kaming natulog kagabi sa isang malapad na foam na nakalatag lang sa sahig. Ang sabi niya ay yari lang daw naman sa kahoy, kugon at sulirap ang bahay
