CHAPTER 24
Nang makarating sila sa bahay ni Leandro ay nagpatiuna na si Cara sa paglabas ng sasakyan nito. Hindi na niya ito hinintay sa pagpasok sa bahay at agad nang pumanhik sa ikalawang palapag para magtungo sa kanilang silid.
Dire-diretsong nagtuloy siya sa walk-in closet at mula doon ay agad nang kumuha ng damit pantulog. Halos mapaigtad pa siya nang marahas na buksan ni Leandro ang pinto ng silid nito at pumasok. Maging ang pagsasara nitong muli ng pintuan ay naglikha din ng ingay.
Mataman siyang tinapunan nito ng naniningkit na mga titig. Alam niyang kanina pa ito nagagalit sa kanya.
"So, you went on that birthday party because that man was there," konklusyon nito sa mga pangyayari. Hindi man lang ito nagtanong muna kung ano ba ang totoo.
Padabog na isinara ni Cara ang closet
