CHAPTER 32
Sobrang pagpupuyos ng kalooban ang nadarama ni Cara ng mga sandaling iyon para sa kanyang asawa. Agad siyang nakadama ng galit para kay Leandro nang marinig niya ang mga sinabi nito sa kung sino man ang kausap nito sa cell phone kanina.
Sinadya niya itong puntahan sa study room kung saan ito naroroon upang magpaalam na sana. Paalis na sila nina Anika kasama si Maxine para magtungo na sa grocery store. At bilang respeto ay pinuntahan niya ito para makapagpaalam na.
Hindi gaanong nakapinid ang pintuan ng silid. Akmang papasok na sana siya nang maulanigan niyang may kausap ito. At nang silipin niya ito ay nakita niyang nakatayo si Leandro at nakaharap sa may bintana. He was talking to someone over the phone.
Balak niya sana itong lapitan na upang sumenyas na lang na aalis na si
