"Hindi ka pa ba matutulog?" tanong niya kay Nicholai dahil alas-diyes na ng gabi pero gising pa rin ito.
Kanina pa sana siya nakauwi sa bahay nila kung hindi lang tumawag ang kapatid niya at sinabi nito na samahan nga raw muna niya ang kaibigan nito.
Saka na raw siya umuwi kapag may magbabantay na kay Nicholai dahil wala raw itong kasama.
Sina Tita Jen at Tito Roman daw kasi ay nasa England para magbakasyon.
Ang mga kasambahay naman daw ng mga ito ay isinama lahat ng mag-asawa para makapag-relax. Iyon daw ang dahilan kung bakit mag-isa ngayon si Nicholai.
Isa pa, bawal pa raw itong magkikilos dahil nga raw nagkasakit ito ng malala, pero sa nakikita niya ngayon kay Nicholai ay mukhang wala naman itong nararamdaman.
"Clarisse, puwede mo ba akong ipagtimpla ng kape? Gusto ko kasing
