Nanunuyo ang lalamunan ko habang pinapanood na kumain ng ice cream si Sebby. Masaya at tahimik itong nakaupo sa kandungan ko. Laking pasalamat ko na rin sapagkat hindi na muling umiyak pa ang musmos. Dahil sa gutom, pasimple akong napasulyap sa cup noodles na hinihintay kong maluto kanina bago dumating si Helena.
Parang nadudurog ang puso ko sapagkat sa aking hula'y malamig na ang sabaw nito sapagkat matagal na nabaling ang aking atensyon sa bilis ng mga pangyayari. Biglang nagbalik sa akin ang pagkasabik kaya't napagitla ako nang mapansin kong nakatingin na sa aking direksyon si Nathan.
"W-What?" Naiilang na tanong ko sa kanya. Mabilis naman siyang umiwas ng tingin at bumaling sa paslit. Binuhat niya si Sebby at inilipat sa kaniyang kandungan.
"Kumain ka muna kung gusto
