Hindi nagkamali si Djora. Pumayag nga ang kanyang kaibigan na sumama sina Zef at Cavell sa kanilang pamamasyal sa Singapore. Hindi na siya nakaatras pa dahil na rin sa sinabi niya.
Pumunta sila sa sikat na Merlion Park na siyang landmark at major tourist attraction ng bansa. May dalawang merlion statues sa parke. Ang merlion ay isang mythical creature na may ulo ng liyon at may katawan ng isda. Ang orihinal na Merlion ay may mahigit walong metrong taas at lumalabas mul asa bibig nito ang tubig.
Nakikita mula sa kinaroroonan nila—kung saan sila naglakad-lakad—ay ang mga nagku-cruise sa ilog, sakay sa mga cruise boats. Marami ring mga taong nandoon sa parke, kumukuha ng mga larawan o kaya’y simpleng namamasyal lang. Iba’t ibang turista rin ang nakikita nila roon.
Napahanga si Djora sa mag
