Napasinok si Djora at umiwas ng mukha pero nahuli niya ang mapanudyong tingin ni Cavell. Noon lang din niya napansin na nakunan pa sila ng picture ni Tavi na parang paparazzo ang peg. Nag-thumbs up pa ito sa kanya na may nakakalokang ngiti. Sinimangutan niya lang ito at bumaling kay Ainsley nang may itinanong ito sa kanya.
Mga isang oras mahigit ang lumipas ay nagpaalam na siya kay István at sa mga bagong nakilala.
“We still have a plane to catch early in the morning, so as much as I wanted to stay and have some fun with you, guys, I can’t,” paliwanag niya.
“You can cancel that flight!” suhestiyon ni Ainsley nang nakangiti.
“Oh, I wish I could!” She hoped her voice was sincere enough. “But you see, my friend and I have to bring her mother to an opthalmologist for surgery. I don’t think
