PAGKALABAS ni Victoria sa pinagta-trabahuan ay agad niyang namataan ang tricycle ni David. May ideyang pumasok agad sa isip niya kung sino ang hinihintay nito.
"Sigurado ka bang hindi nanliligaw sa 'yo si David, Victoria?" tanong ni Yngrid sa kanya dahilan para mapabaling siya dito.
"Hindi," sagot niya sa kaibigan. Hindi naman talaga nanliligaw sa kanya si David.
Tinaasan naman siya ni Yngrid ng isang kilay. "Ganyan na ganyan kasi si Carlito sa akin noong nanliligaw pa siya. Lagi niya akong hinihintay para ihatid sa bahay," wika ni Yngrid sa kanya.
"Hindi naman ako hinihintay ni David para ihatid sa bahay. Pasahero niya ako," sabi niya sa kaibigan.
"Ayaw mo bang mag-boyfriend?" mayamaya ay tanong ni Yngrid sa kanya. "Ang ganda-ganda mo. At ang dami mong manliligaw pero wala kang i
