"MERYENDA muna tayo."
Napatingin si Victoria kay David ng marinig niya ang pagyaya nito ng makalabas silang lima sa chapel.
Akmang bubuka ang bibig niya para magsalita ng mapatigil siya ng unahan siya ni Agnes. "Sige," sang-ayon naman nito. Pagkatapos niyon ay sumulyap ito kay Callum. "Meryenda muna tayo. Masarap ang mamihan diyan," nakangiting wika ni Agnes kay Callum sabay turo sa nagtitinda ng mamihan sa harap ng chapel.
Rolling store iyon. At sang-ayon si Victoria sa sinabi ni Agnes na masarap ang mamihan do'n. Kapag bagong sahod kasi siya ay minsan ay nili-libre niya ang pamilya do'n. Maliban sa masarap ang luto ni Manong ay mura din iyon.
Sa halip na sagutin ni Callum si Agnes ay tumingin ito sa kanya. Mukhang kinukuha nito ang desisyon sa kanya. Naisip niyang dahil siguro wa
