TAPOS na ang maghapong trabaho nila Victoria. At naghahanda na sila sa pag-alis na dalawa ni Yngrid.
At nang makuha na nila ang bag ay sabay na silang dalawa na humakbang palabas sa pinagta-trabahuan na grocery store.
Pagkalabas nila ay agad nilang namataan ang tricycle ni David, mukhang siya na naman ang hinihintay nito.
"Oh, mukhang hinihintay ka na naman ng manliligaw mo," tukso ni Yngrid sa kanya habang nakangiting nakatingin ito sa gawi ni David.
Nangingiting iiling lang naman si Victoria sa sinabing iyon ni Yngrid. "Hindi nga siya nanliligaw," giit niya sa kaibigan. Maraming nag-aakala na nanliligaw sa kanya si David dahil sa paghatid at pagsundo nito sa trabaho pero hindi naman ito nanliligaw sa kanya. Pasahero lang siya nito.
Tinaasan siya ni Yngrid ng isang kilay. "Pero p
