IBANG-IBA ang nararamdaman ni Victoria ng sandaling iyon. Pakiramdam niya iyong puso niya ay sasabog dahil sa pag-amin ni Callum ng nararamdaman nito sa kanya kagabi. Nakaramdam nga din ang puso niya ng excitement sa isiping liligawan siya nito.
Sa totoo lang ay hindi naman ganoon ang nararamdaman niya kay David nang malaman niya na gusto at gusto siya nitong ligawan. Hindi ganoon kasaya ang puso niya. Siguro magkaiba ang nararamdaman niya dahil may gusto siya kay Callum.
At ngayon ay ayaw na niyang maging unfair kay David kung hahayaan pa niya itong magpatuloy sa panliligaw. Kaya kapag nagkaroon siya ng pagkakataon ay kakausapin niya ito at sasabihin niyang itigil na nito ang pagliligaw sa kanya. At aamin din siya na may iba siyang gusto. Alam niyang masasaktan ito pero mas makakabuti
