MABILIS na ipinaling ni Victoria ang kanyang ulo nang mapansin niya ang pagsulyap sa kanya ni Yngrid nang matapos silang kumain na dalawa.
Nasa loob sila ng bahay nina Carlito. Sinalubong nga sila nito ng makarating silang dalawa ni Yngrid doon kanina. Pinapasok din sila nito sa loob ng bahay para kumain.
Alam na kasi ni Victoria ang dahilan ng pagsulyap ni Yngrid sa kanya. Gusto nitong lumabas na silang dalawa sa bahay nina Carlito.
Sa bakuran kasi ng mga ito nagaganap ang sayawan. Rinig na rinig nga niya ang malakas na tugtog mula sa labas, hudyat na nag-uumpisa na ang sayawan. At sigurado siyang may magkapareha na ang nagsasayawan.
"Victoria," tawag nito sa pangalan niya. Gusto sana niyang magpanggap na hindi niya ito narinig pero wala na siyang nagawa ng kalabitin siya nito sa
