"ANO! NILILIGAWAN KA!"
Agad na tinakpan ni Victoria ang bibig ni Yngrid ng sumigaw ito ng i-kwento niya na nililigawan siya ni Callum. Pinandilatan din niya ito, pasimple nga din siyang tumingin sa ibang ka-trabaho nila at medyo nakahinga siya ng maluwag nang makita niyang abala ang mga ito.
"Ang bibig mo," wika niya dito, inalis naman nuto ang kamay niyang nakatakip sa bibig nito.
"Totoo? Nililigawan ka ni Callum?" ulit na tanong ni Yngrid sa kanya, sa pagkakataong iyon ay humina na ang boses nito.
Tumango naman siya bilang sagot. "Sabi na, eh," mayamaya ay bulalas nito.
Tinaasan niya ito ng isang kilay. "May napapansin kasi akong kakaiba sa titig niya sa 'yo. Hindi ko lang masyado binibigyan ng pansin," wika nito sa kanya.
"Anong kakaiba?"
"Iyong klase ng titig na ikaw lang
