"MAKAKAHABOL pa ba tayo, Yngrid?" tanong ni Victoria sa kaibigan ng matapos ang trabaho nila.
Napansin naman niya na tiningnan nito ang suot nitong relong pambisig. "Oo. Alas sais naman ang umpisa ng laro nila. Kung aalis na tayo ngayon ay makakahabol pa tayo," sagot ni Yngrid ng ibalik nito ang tingin sa kanya.
Kaya nang matapos nilang ayusin ang gamit ay mabilis silang umalis sa pinagta-trabahuan para makahabol sila sa basket ball game nina Carlito.
Championship na kasi ng gabing iyon. At ang grupo nina Carlito ang lalaban. Gusto nilang manuod dahil gusto nilang supurtahan ang team ng mga ito. Lalo pa at championship na.
Nang makalabas nga sila ay agad silang naghanap ng tricycle na sasakyan. Medyo nahirapan nga sila makasakay dahil konti lang ang pumapasada, siguro ay nanunuod an
