"TAO po, Tatay Vicente, Nanay Rosita!"
Napakunot ng noo si Victoria nang marinig niya ang boses na iyon na tumatawag sa magulang niya mula sa labas ng bahay.
Mula naman sa gilid ng kanyang mata ay nakita ang Tatay niya na tumayo mula sa pagkakaupo nito at lumabas ng kusina para puntahan kung sino ang nasa labas ng bahay nila.
Hindi naman nagtagal ay bumalik ang Tatay niya sa loob ng kusina.
"Sino iyong nasa labas, Vicente?" tanong naman ng Nanay niya.
"Sina Carlito, Rosita," sagot naman ng Tatay niya.
Hindi napigilan ni Victoria ang mapakunot ng noo. Anong ginagawa ng boyfriend ni Yngrid sa bahay nila.
"Ano daw kailangan nila?" tanong ulit ng Nanay niya.
Nakita naman niya ang pagsulyap ng Tatay niya kay Callum bago ito sumagot. "Si Callum, gusto nilang makausap."
"Bakit po
