"SAMA tayo sa celebration nila?" wika ni Yngrid sa kanya nang lapitan siya nito pagkatapos nitong kausapin ang boyfriend nitong si Carlito.
Gusto daw kasi ng mga ito na i-celebrate ang pagkapanalo ng mga ito sa basketball.
Bubuka sana ang bibig niya para magsalita ng marinig niya ang boses ni Agnes. "Sige na, Callum. Sumama ka na din. Dapat andoon ka sa celebration dahil ikaw ang MVP," wika nito kay Callum. Base sa pamimilit nito kay Callum ay mukhang sasama din si Agnes sa celebration ng mga nanalo sa basketball. Kanina pa dikit ng dikit si Agnes kay Callum, kahit nga kanina noong tanungin niya ang lalaki kung okay lang ba ito dahil sa pagkabagsak nito kanina habang naglalaro. Hindi na nga siya nagawang sagutin ni Callum ng maayos dahil umeksena na si Agnes.
Itinuon naman ni Victori
