SUMILAY ang ngiti sa labi ni Victoria nang makita niya ang pagkaway ni Yngrid nang mamataan sila nito.
Gumanti din siya ng kaway dito. Pagkatapos ay tumingin siya kay Callum. "Lapitan na natin sila, Callum," yakag niya dito.
Ngayong araw kasi ang pagpunta nila sa Cueva Sur. Nakapagpaalam na din sila sa magulang niya na pulunta sila sa Cueva Sur, sinabi niyang niyaya sila ni Yngrid na mamasyal doon. Pinayagan naman sila ng magulang. At mabuti din daw iyon para makapasyal din daw si Callum, makakatulong din daw iyon sa kondisyon nito.
Sa pagpunta nila sa Cueva Sur ay nagdala sila ng ilang damit pamalit kung sakaling naisipan nilang maligo. Nagbaon din sila ng pwede nilang makain. Sinabi naman ni Yngrid na hindi na nila kailangan na magdala dahil ang mga ito na daw ang bahala. Pero nagd
