"Ineng, makinig kang mabuti sa akin. Nabalitaan ko na magbibigay ng ultimatum ang grupo sa mga Soloren at gobyerno. Dalawa sa mga bihag ang balak nilang itumba."
Napasinghap ako pero ang atensyon ay nasa kamote lang. Hindi na namin mahihintay pa ang pagkilos ng mga Soloren at ng militar para isalba kami. Walang dapat madamay na sibilyan.
"Wala pang nakikitang sinyales ng pagkilos sa ibaba. Dalawa lang iyan, posibleng wala silang balak na gawin ang hinihinging kapalit ng leader ng samahan, o kikilos sila ng palihim."
"Hindi pwedeng kumitil sila ng buhay lalo na ng mga inosenteng sibilyan." Seryosong ani ko rito.
Kailangan nang makialam ng mga girls. Kung ako lang ay hindi kakayanin, tiyak na mapapahamak lang ang mga inosenteng nadamay lang dahil sa away ng mga tulisan at ng mga Soloren.
