"Dito ako daraan mamaya. Hindi ka kasya rito. Ako na lang ang lalabas." Mahinang ani ko kay Alejandro. Itinuro ko ang maliin na butas sa ilalim ng papag. Sinira ko ang dingding, sakto lang para mailusot ko ang katawan ko.
"Lakihan mo ng kaunti. Para naman magkasya ako." Bulong din nito.
"Tsk. Ako na lang ang lalabas."
"Luci, baka nakalilimutan mong ako ang lalaki rito. Ako ang dapat na kumilos para magawan ng paraan ang paglaya natin."
"Ego na naman ni gov ang natapakan ko." Sarcastic na ani ko rito.
Inalalayan n'ya akong makatayo saka kami nagpagpag dahil kinapitan na ng lupa ang suot namin. Saka kami humiga sa papag.
"Ayaw ko lang na mapahamak ka."
"Hindi ako mapapahamak. Kayang-kaya ko ang sarili ko." Naramdaman ko ang palad nito na trina-trace ang tattoo ko sa likod.
"Kaya ba k
