"Ale!" excited na pumasok ng opisina ko si Coleen. Agad na isinara ko ang cellphone kung saan ilang minuto ko nang tinititigan ang larawan isinend ni Luci sa akin. Hindi ang unang larawan ang kumuha ng atensyon ko, kung 'di ang ikalawang larawan kung saan hindi ang asawa ko ang naroon. Kung 'di ang babaeng may naglalarong ngiti sa labi na nakatayo ngayon ilang hakbang mula sa mesa ko, na s'yang kasunod ni Coleen nang pumasok ng opisina.
Pareho sila ng suot, pero may nakapatong na coat sa balikat ni Coleen. Agad akong tumayo, iniyapos ang kamay sa bewang ng aking asawa at malambing na hinalikan ito sa noo.
"Ano ka ba, Ale? May kasama ako." Nahihiyang ani ni Coleen na pasimpleng siniko ako. Alam kong may kasama s'ya, kaya ko nga iyon ginawa.
"I know." Tipid na sagot ko. Dahil hindi pansin
