KABANATA 9
NASA TAPAT NG salamin si Ravia at nagpapaganda. Hindi gaano katapang ang nilagay niya sa kaniyang mukha dahil magsisimba lang naman sila buong pamilya. Kasama nila ang dalawang dagdag sa kanilang pamilya—ang Tan twins. Isang wrap dress ang kaniyang napiling suotin para magmukha siyang disente. At isa pa, bibisita sila sa charity ng pamilya nila para sa mga batang pinapa-aral nila kaya sisiguraduhin niya na magmukha talaga siyang formal doon. Ayaw niyang ipahiya ang kaniyang pamilya sa mga tao roon.
Napalingon siya sa pinto nang diretso lang na pumasok ang kaniyang kapatid na si Ryan. Nakabukas kasi ang kaniyang pintuan.
Nang nasa likuran niya ito, hindi niya mapigilan na mapangiti sa postura nito. Hindi niya maipagkakaila na magkapatid nga sila. Sa angking kaguwapuhan nito n
