Halos hatinggabi na kami nakauwi ng Zambales kahapon. Nakalimutan namin yung oras dahil sa sobrang saya. Lalo na ako.
Hindi naman nagalit si Tiya Adela. Sa totoo nga ay kung wala lang daw pasok ay hahayaan niya akong mag stay sa Maynila kasama yung dalawa.
Kulang din halos ang tulog ko dahil maaga ang klase ko ngayon. Ligo at kain lang pagkatapos nang kaunting pagtulog ang nagawa ko.
Hinayaan ko na rin si Tiya Adela na matulog. Wala naman si Mama sa bahay pagdating namin din ni Tiyang kaya si Laura na naman ang nagbantay sa mga kapatid namin.
Marami rin pinamili sina Vida at Lena sa mall na pinuntahan namin. Kung anong binili nila ay halos meron din ako. Mabuti na nga lang at hindi nila ako nabili ng cellphone. Halos hatakin ko kasi sila para lang hindi ako maibili nun.
Nung kinau
