Oceane
Hindi naging komportable ang pakiramdam ko maghapon dahil kay Zaiden. May kakaiba siyang ipinararamdam sa akin kaya naguguluhan ako. Ayoko ko naman magtanong dahil baka mali ako, nakakahiya. Pagkatapos ng klase, muli kaming magkasabay ni Zaiden na lumabas ng room.
"May gagawin ka ba ngayon?" tanong niya
Napalingon naman ako. “W-wala naman. Bakit?” tanong ko
"May ipakikilala ako sa’yo.” sabi niya
“Ipakikilala? Sino?” tanong ko
Ngumiti lang si Zaiden at hinawakan lang ang kamay ko at hinila ako palabas ng gate.
Naglakad lakad kami sa Fairywood. Ang fairywood ay ang gubat na tirahan ng mga fairies. Iba’t ibang uri ng fairies ang mga nakatira dito. Kapareho siya ng Elfwood, ngunit mas maliwanag dito dahil sa mga animo’y alitaptap na nagkalat sa buong paligid. Sa mga butas ng puno
