ملك وآسر والجان العاشق

الحلقه التانيه

وبعدمااتفتح باب الخروج للارض مستني ملك تخرج منه بس ملك مخرجتش ملك نامت من كتر تعبها الباب خلاص هيتقفل وهيا لسه نايمه ف ملكوت تاني وهنا جالها هاتف قومي قومي ياملك بسرعه الحقي الفرصه لو ماخرجتيش معتيش هترجعي تاني قومي انقذي نفسك فتحت ملك عنيها بضعف الرؤيه مش واضحه ليها انا فين وإي اللي بيحصل ده واي النور ده معقول كنت بحلم بس ده حقيقه مش حلم ياخبر أبيض باب الخروج للأرض هيتقفل انا أزاي نمت ازاي جرت ملك بكل ماتملك من قوه ونطت من الباب ع آخر لحظه لقت نفسها ع سريرها البيت هادي جدا وطبيعي ولا كأن في حاجه معقول ميكونش حد لاحظ غيابي يعني محدش دخل الاوضه عندي طب أمي ملاحظتش إزاي أنا فاكره إنها كانت بتهديني وراحت تعملي ليمون

ماهيا أكيد رجعت وملقتنيش بتلف ملك وشها لقت جمبها كوب ليمون بالفعل مشروب منها نصها والباقي في الكوب ملك مش مستوعبه إيه اللي بيحصل ازاي ازاي هنا ليمون ومشروب ومين شربه دا أنا نزلت تحت الأرض قبل ما امي تجيبه حتي قاطع تفكيرها دخول أمها الأوضه

إيه ياحبيبتي كل ده نوم كأنك منمتيش بقالك يومين شكل الليمون هداكي فعلا

‏ملك: بخوف ودموع ماماااا انتي وحشتيني اووووي انا تعبانه اوووي اوعي تسيبيني تاني

‏امها:هسيبك أروح فين بس ياملك إنتي رجعتي لكوابيسك تاني مانتي كتتي كويسه وقلت الليمون هداكي

‏ملك: ليمون إيه أنا مشربتش ليمون

‏الام:ههههههه أومال مين اللي شرب للليمون ده وعجبه ونمت جمبك كمان بس السرير بتاعك ده متعب جدا مش عارفه ليه مكنتش مرتاحه وقلقانه وجالي أحلام وحشه بس مردتش أقوم عشان ماتقلقيش وتزعلي مني او تخافي

‏ملك:ياماما صدقيني مش أنا أنا مكنتش معاكم اصلا أنا كنت تحت الارض في قصر ملك الجان مكنتش هعرف ارجعلكم تاني

‏الأم : هههههههه ارض اي وقصر ايه اومال مين اللي فطر معانا الوقتي ودخل ع أوضته من غير مايكلم حد وكمل نووم ولا عفريتك هههههههه

‏ملك:اه فعلا هو عفريتي اللي كان معاكو هنا مش انا

‏ولو مساعدتنيش ولحقتوني معتوش هتشوفوني تاني

الأم: ‏عفريت اي ونساعدك اي انا مش فاهمه اي حاجه

ملك:أنا كنت تحت الأرض وملك الجان عاوز يتجوزني

و.

الأم : لاااا انتي معدتيش طبيعيه انا لازم اخدك فعلا أود*كي لدكتور نفسي او لشيخ بالقرأن

ملك :ياريت يا ماما أنا موافقه وديني لشيخ بالقران أنا اتعذبت أوي مهما احكيلك مش هتصدقيني

الأم :أنا مش فاهمه أي حاجه إي اللي بتقوليهه ده

‏أعملي حسابك هنروح لشيخ بليل وتحكيله عن كل الأحلام االي بتجيلك دي

‏ملك وهيا بتهز راسها حاضر وسرحت ياتري هقدر اقنع الشيخ ده بكلامي ازاي يارب يصدقني ومايعملش زي أمي ويقولي احلام وكوابيس بس بصراحه عندهم حق مين هيصدق كلام زي ده أنا بنفسي لو حد جه حكالي مش هصدقه

‏قامت ملك خدت دش وصلت وقرات قران وقعدت تدعي ربنا ان يساعدها من ملك الجان واتباعه

‏بعد دقايق

‏رن موبايل ملك بترد علي صاحبتها

‏ملك :الو

‏ساره:انتي فين يابنتي مبترديش علي الموبايل ليه ومجتيش الجامعه بقالك كام يوم انتي كويسه

‏ملك بدموع:لا مش كويسه ياساره انا تعبانه اوووي

‏ساره بقلق:مالك ياملك قلقتيني عليكي

‏ملك:ماينفعش كلام دلوقتي وفي الموبايل بالذات اما اشوفك هحكيلك

ام ‏ملك:يلا ياملك اتأخرنا ع الشيخ حاضر يارب بفايده

‏وصلت ملك ومامتها عند الشيخ

‏لابس عبايه قصيره دقنه سودا وطويله عنيه شكلها غريب ومريب مش مرتب في مظهره كأنه كان بيعمل حاجه وهما جم فجأه

‏بدأت تحكي ملك عن اللي بيحصل والشيخ بيسمع

‏بعد ما خلصت قالها أنتي متأكده ان ده حقيقه

‏ملك أه طبعا حقيقه قدامي فرصه ان اخلص عليه لو مقدرتش اهزمه هيخدني تحت الارض ومش هعرف اطلع تاني

الشيخ لأم ملك كلام غريب ومريب فعلا حتي لو في أحلامها كلام غريب أول مره اسمعه ده شكله جان قوي فعلا

‏المهم احنا لازم دلوقتي نساعدها ع قد مانقدر عشان تخرج من الدوامه اللي هيا فيها دي

‏أم ملك أنا من إيدك دي لإيدك دي اللي هتقولي عليه هعمله

‏هاتيلي ربطه جرجيروكام كيس من الكبير وكيس ملح خشن ضروري....يتبع

‏#ملك وآسر والجان العاشق

#ياسمين سامي

‏لو وصلت للجزء ده من الروايه فضلا وليس امرا أتمني تدعموني وتضغطوا علي القلب اللي موجود في بدايه القصه تخت الغلاف قبل الاجزاء هينور بلون أبيض كده تبقي عملت فولو للروايه عشان يوصلك اشعار بكل جديد

رايكم بيشجعني وبيخليني استمر دمتم بخير