"So? Ganoon kayo nagkatuluyan ni prince charming?" Tanong ni Eliza, isa sa mga resident doctor dito sa hospital.
Umirap ako. Anong nagkatuluyan? Iyon na ata ang pinakanakakatawang tanong sa akin. Sa sobrang nakakatawa ay gusto ko siyang operahan sa utak.
"Gaga! Paano ka nakapasa ng licensure ng ganyan ang utak mo? Seryoso, Eliza!"
Binato siya ni Martha ng papel. Umiling ako sa dalawang ito. Bakit ko nga ba kinukwento sa kanila ang buhay ko bago naging doktor? Huminga ako ng malalim. Bwisit talaga!
"Diyan na nga kayo. Aalis muna ako at may pasyente akong bibisitahin." Ani ko at kinuha na ang aking coat para suotin iyon.
"Hoy! Teka lang, Dra. Thyrene! Hindi mo pa ako sinasagot! Ano nagkatuluyan ba kayo ni Kel? Nakipagbreak ka ba kay Dr. Allan o h
