Kinakabahang napatayo na si Froylan sa swivel chair nang marinig ang biglaang pagtunog ng cellphone. Muntik pa niyang mabitawan ang hawak na dokumento na kahit na binabasa ay hindi naman iyon pumapasok sa utak niya kung tungkol saan. Agaw na agaw ang kanyang diwa ng kung ano ang matatanggap na reaction mula sa kanyang asawa. At kung natanggap na ba nito ang peace offering na kanyang ipinadala. Maya-maya ay gumalaw ang kanyang adams apple at panga ng lumunok siya ng laway. Itinukod na ang dalawa niyang braso sa lamesa na puno pa rin ng mga papers na kailangan niyang pasadahan at basahing mabuti bago niya iyon pirmahan. Kumukuha siya ng lakas dito na kapag hindi niya ginawa ay panigurado siyang babagsak sa malamig na sahig.
“This is it, Froylan, paniguradong natanggap niya na.” bulong niya
