TULALANG nakahiga sa couch si Beatrice nang marinig niyang may nagdodoorbell. Salubong ang kilay na napatingin siya suot na relo at kumunot ang noo niya nang makitang alas nuebe na ng gabi.
“Sino naman kayang siraulo ang dadalaw at bibisita sakin ng ganitong oras?”
Wala sana siyang balak pansinin iyon ngunit tila ayaw nitong tumigil dahil sunud-sunod ang pagtunog ng doorbell niya.
“What the hell? Balak ba niyang sirain ang doorbell?” Salubong ang kilay at nagdadabog na tinungo niya ang pinto at sumilip sa peephole. Pakiramdam niya'y nasira na ang gabi niya nang mapag-alamang si Tom iyon. “What the hell is he doing here? Tsk! Bahala ka sa buhay mo! Manigas ka r’yan!” Sa sobrang inis niya ay bumalik siya sa couch at humiga roon. Bahala na ito sa buhay nito. Basta hinding-hindi niya ito
