NANG ARAW na iyon ay abala si Beatrice sa pagsasaayos at pagpaplano sa birthday party ni Angel. Pumunta siya sa isang restaurant para makipag-appointment doon. Gusto niya kasing ang mga pagkain ay galing sa isang sikat na catering service.
Nang matapos ay pumunta naman siya sa isang sikat na clothing service at bumili ng mga gowns at tuxedos na gagamitin ng mga bata. At siyempre, nagpagawa rin siya ng ball gown na kulay pink na isusuot ni Angel.
Nang matapos ay nagtungo siya sa isang party organizer para sa design ng ground ng bahay ampunan. Nagsuggest siya ng mga designs na sinang-ayunan naman ng mga ito. Ang mga ito na ang bahala sa floral arrangements. May gagawing fountain sa gitna ng ground. May mga cloths din sa taas at kung anu-ano pa. Wala na siyang pakialam kung malaki na ang ma
