PAGKABABA ni Beatrice sa sasakyan niya ay nagtaka siya nang makitang masayang nagsilabasan ang mga bata sa bahay ampunan dala-dala ang kani-kaniyang backpack.
"Anong meron?" nagtatakang usisa niya kay Kuya Gerald at Mr. Sanchez na nagtatrabaho bilang isa sa mga guard doon at nagtatago sa pangalang Victor.
"Magpi-field trip daw sila," sagot ng dalawa at napapailing na sinundan ng tingin ang mga batang nagtakbuhan paakyat sa airconditioned bus na nakahimpil sa labas.
Kinakabahang napatingin siya ng makahulugan kay Mr. Sanchez. Tila nahulaan naman nito ang iniisip niya kaya binigyan siya ng nito ng isang tipid na ngiti na tila ba sinasabing huwag siyang mag-alala dahil chineck nito ang bus. Nakahinga naman siya ng maluwag doon.
"Oh, hinay-hinay lang mga bata. Huwag kayong tumakbo. Huwag
