"Bakit nasunog?" Tanong ni Manang ng bigla siyang pumasok para silipin ang pinaggagalingan ng usok.
Napalunok ako at binuksan ng maayos iyong kaldero para makita niya. Lumingon ako at wala na doon si Von. Ang galing tumakas ng lechugas.
Kiss and run eh! Napakamot ako sa noo at ngitian si Manang.
"Nakalimutan ko po kasi. Medyo napasarap po ako."
Namula ako sa naisip ko. Ano ba yan. Tiningnan naman ako ni Manang ng wirdo.
"Saan?"
Medyo may hinala niyang sabi at tumingin pa sa hagdanan na para bang may makikita siya doon.
"Sa kakafb po. Hehehe." Tumawa pa ako.
Umiling si Manang at tinulungan akong remedyuhan iyong chicken adobo. Sayang naman kasi kung hindi ulit gagamitin iyon. Nang matapos iyon ay inutusan ako ni Manang na akyatin ang dalawa sa
