"Ma!" Sigaw ng kapatid ko bago niya ako tinulungan sa pagpapasok ng gamit sa loob ng bahay. "Andito na po si Ate Ven!"
Dali-daling bumaba si Mama sa hagdan at nagtitiling lumapit sa akin bago yumakap.
"Anak! Kamusta na? Tara na sa kusina. Magmeryenda tayo."
Hindi ko man lang napalitan ang aking rubber shoes ng aking tsinelas dahil sa excited akong hinainan ni Mama ng mga lutong minatamis.
"Mama! Okay na. Madami na po." Bulong ko ng lagyan niya pa ako ng coffee jelly sa bowl ko.
Ngumuso ako at inumpisahang lantakan iyon.
Kamusta ang Maynila?" Tanong ni Mama. Nagkibit balikat ako.
"Ganun pa rin. Mainit at masikip?"
Sumubo ulit ako ng mahagip ako ng tingin ni Vernon, ang kapatid ko. Napansin ko na ang tangkad niya. Mukha siyang mas matanda sa kan
