Walang pasubali at tahimik na sumunod ang mga mata ni Figuro sa likod ni Rani hanggang sa makalabas na ng kwarto niya ang bulto ng fiancee niya. May kung anong bumubulong sa kanyang isipan na malaki ang pinagkaiba nito. Marami sa mga kilos nito ang hindi niya kilala. Hindi siya maaaring magkamali. Kilalang-kilala niya ang babaeng mahal na kahit yata nakapikit ay kaya niyang mahulaan. Bagama’t may iisa silang normal na amoy ng katawan na nagawa niyang malanghap nang yumakap ito sa kanya, feeling niya ay ibang tao pa rin ang siyang kaharap niya. Napansin na iyon ng ina.
“Bakit ganyan ka kung makatingin sa iyong fiancee, anak? Anong mali?” tanong ng Ginang na nilingon pa ang pintuan na nilabasan ng future daughter in law niya na nagpaalam na uuwi muna ng bahay nila. “Ayaw mo ba siyang pauwii
