Unti-unting umatras si Rani habang tutop pa rin ang kanyang bibig. Hindi niya alam kung anong reaction ang ipapakita sa lalakeng ilang beses na ibinukas at sara ang mata. Halata sa kanyang reaction na hindi niya napaghandaang mabuti ang araw na iyon. Oo, at ilang beses niyang naisip na sana ay gumising na ang lalake nang matapos at mapadali ang kanyang misyon. Subalit ngayong kaharap na ang pagkakataon ay litong-lito siya sa nararapat na gawin.
“G-Gising ka na...” muling ulit niya sa tinig na halos hindi lumabas sa kanyang lalamunan.
Figuro gave her a weak smile. Ang marinig ang boses ng kanyang fiancee ay parang bitamina na nagbibigay ng lakas sa kanya. Parang ora-mismo ay nais niyang tumayo.
“Dani, halika rito. Lumapit ka sa akin.”
Sa nanlalabong paningin ni Figuro ay aninag niya ang
