Padabog na ibinagsak ng isang lalake ang kanyang hawak na nangangalahati pa lang na sigarilyo sa nakapatong sa table na ash tray. Ilang beses niyang ipinaulit ang resulta ng ipinapagawa niya dito. At sa pilantik ng mga mata niya ay hindi niya gusto kung ano ang narinig niya. Halata sa hilatsa ng mukha niya na hindi siya natutuwa sa kinalabasan. Ilang beses siyang napabuga ng hangin sa bruskong paraan. Halata rin na ubos na ang kanyang pasensiya sa kaharap na lalake.
“Ilang buwan na ang naging pahinga mo, bakit sa pagbabalik mo ay ipinapakita mo pa rin sa akin na wala ka ng kwenta Clavio? Hindi ka na maaasahan. Hindi na magaling. Wala ka na nga ba talagang kwenta, ha?!”
Madilim ang mukhang ini-angat niya ang mga mata sa lalakeng nakatayo sa harapan niya. Sa pagkakatayo nito ay makikita a
