MARIONE:
LUMIPAS ang mga araw na wala pa rin akong maayos na information mula sa PI namin kung nasaan si Lucky! Nakakainis.
Maging si Dos ay hindi nito mahagilap dahil wala ito sa headquarters nito. Idagdag pang busy si Dos sa trabaho nito kaya hindi matutukan ang paghahanap kay Lucky!
Naiinip na ako. Paano kung habang nandidito ako ay may masama na pa lang nangyari sa kanya? O baka naman makahanap na siya ng iba?
No way! Hindi ako makakapayag mapunta pa sa iba ang asawa ko! Mariin akong napapikit na panay ang tungga ko sa red wine na dala ko.
Halos gabi-gabi akong walang maayos na tulog. Iniisip si Lucky. Bawat tawag at messages na natatanggap ko ay umaasa akong. . . mula kay Lucky iyon. Pero heto at lumipas na ang ilang araw na wala pa rin akong natatanggap mula sa kanya.
Hindi ko
