MAAGANG nagising si Vel. Ang roommates niya—sina Jheymie at Myka— ay tulog na tulog pa. Hindi na siya muling dinapuan ng antok kaya bumangon na siya, nag-ayos ng sarili, at tumambay sa veranda ng villa house na tinutuluyan niya kasama ng pamilya nina Jheymie at ng buong barkada nila. Umupo siya sa wooden chair doon facing the scenic ocean view. Lately ay kinukulang siya sa tulog. Hindi mawala sa isip niya ang naging pag-uusap nila ni Winoma tungkol kay Jam. Then she realized na hindi naman pala siya bato at all. Naawa siya rito at na-guilty nang malaman niya ang other side of the story.
Will that be enough for me to forgive him?
Ano nga ba’ng kinakatakot niya? Patatawarin lang naman niya ito. Baka nga ’pag napatawad na niya ito, tuluyan na itong lumayo sa kanya tulad ng ginusto niya.
