MAAGANG nagising si Jam. It was just five in the morning. Huling araw na nila sa Culion. Tapos na ang medical mission. Araw ito ng pahinga at bakasyon para sa lahat. Kahit anong pilit ni Jam na bumalik sa pagtulog ay ’di na niya nagawa. Bumangon siya at lumabas ng kuwarto. Iyong tatlong villa houses ay magkaka-connect at may common receiving lobby sa gitna. Doon siya tumambay. Humampas sa mukha niya ang malamig na hangin mula sa bukas na pinto ng veranda. Huling araw na . . . huling araw na puwede akong lumapit sa ’yo, Vel.
Naging okay ang lahat sa pagitan nila mula nang maaksidente ito sa construction site. Nagkikita sila tuwing umaga para malinis niya ang sugat nito at mapalitan ng bandage. Sa mga sandaling iyon ay halos hindi naman sila nag-uusap. Civil lang sila sa isa’t isa. It wa
