Habang nasa daan pauwi ay nadaanan namin ang Jollibee. Naalala ko dati na doon kami dinadala nina mama at papa pagkatapos naming magsimba tuwing linggo.
Iyon din ang madalas na pasalubong ni Gin tuwing pupunta siya sa bahay para doon tumambay o hindi kaya ay mag-overnight.
Tuwang-tuwa pa nga ako noon ng ibigay niya sa akin ang stuff toy na Jollibee. Nasundan pa iyon nina Hetty at Twirlie. Iyon nga lang kasama na ang mga stuff toy na iyon sa mga itinago ko.
"Gin," tawag ko sa kanya ng malapit na naming lagpasan ang fast food chain.
Napalingon siya sa akin kasunod sa tinatanaw kong establishment sa labas. "Nagugutom ka ba?"
"Pwede ba?" nakanguso kong sabi.
Walang imik niyang kinabig ang sasakyan at lumiko kami pabalik para pumunta sa Jollibee.
Nasa labas pa lang ay nakakatakam na ang
