"Hoy! Gaga ka talaga, 'no!" tawag ni Nessa sa akin.
Nang mag-bell kasi ay dire-diretso akong lumabas at dito niya ako naabutan sa tambayan namin.
"Alam mo bang tumawag si tita sa akin kagabi at hinahanap ka n'ya sa akin. Mabuti na lang sabi ko nag-cr ka, at sasabihin ko na lang sa 'yo," patuloy na sabi niya saka naupo sa tabi ko. "Tinatawagan kita kagabi hindi mo sinasagot mga tawag ko!"
Kung hindi niya pa ako niyugyog ay hindi ko pa siya lilingunin. Alam kong nasa tabi ko siya pero wala akong naintindihan sa mga sinasabi niya.
"Earth 'to, bes! Saang planeta ba napunta 'yang isip mo?" tanong pa niya. "At saan ka nagpunta kahapon at gabi na hinahanap ka pa ni tita?" sunud-sunod na tanong nito.
Bumuntong hininga lang ako. "May iniisip lang ako," sagot kong hindi pinansin ang mga tanong
