Chapter 19
Makalipas ang isang linggo ay sumapit ang team building ng Carson Electronic. Umupa ang kompanya ng bus para sa mga staff papunta sa Burham resort.
Mabilis na sumakay si Crismafel patungo sa kanilang opisina dala ang kaniyang backpack. Doon kasi naghihintay ang masasakyan nila. Ang laman ng kaniyang backpack ay damit, first aid kit at mga mahahalagang bagay na kailangan niya sa loob ng ilang araw.
Bago umalis si Crismafel sa kanilang bahay kanina ay halos mabibingi na siya sa mga bilin ng kaniyang Tiyahin at Tiyuhin, na kailangan maging alerto siya sa lahat ng bagay. Natatakot kasi ang mga ito na baka maulit ang nangyari noon sa kaniya. Pati gamot niya na kung atakihin siya ng kaniyang anxiety ay pinabaon sa kaniya ng kaniyang Tita Tessy. Kung puwede nga lang na sumama ang
