DWIGHT:
NANGINGITI akong pinagmamasdan si Anastasia na nahihimbing habang nakasuksok sa akin. Tuluyan na kasi itong nakaidlip sa dalawang oras naming pagniniig. Nakalarawan tuloy ang pagod sa magandang mukha nito.
Marahan kong hinaplos ito sa pisngi na iniipit sa likod ng tainga nito ang ilang hibla ng buhok nitong tumatabing sa kanyang mukha. Hindi ko rin maipaliwanag ang nadarama ko. Gustong-gusto ko siyang pinagmamasdan na kinakabisa ang pagkakahulma ng maganda at maamo niyang mukha.
Akala ko nga dati ay hindi ko ito kailanman mararamdaman. Ang makuntento sa iisang babae. Si Cathleen Montereal na girl bestfriend ko at Ate ni Collins na matalik ko ring kaibigan ang pinapangarap kong makasama noon. Siya ang first love ko. Ang nag-iisang babaeng pinangarap kong maging akin. Pero sadya
