"Are you ready?"
Pormal ang mukha na tinanguan lang ni Dianne si Massimo na nasa manibela na ngayon ng sports car nito. Katatapos lang nitong mag-text at itinago na ang cellphone.
Sino na naman kaya ang ka-text nito? Kagabi pa lang ay napansin na niya ito na may kausap sa cellphone habang nakatambay sa hardin at tanaw naman niya ito mula sa bintana ng kuwarto niya.
Alas sais ng umaga pa lang ay umalis na sila papuntang Vigan. Hindi na raw kasi sila gagamit ng private chopper. Mas gusto raw ng binata ang magmaneho. At alam niya kung bakit. He loves driving. Katulad din ng ama nito at ng kapatid na si Mariel.
Sabagay, mahigit na anim na oras lang naman ang magiging biyahe nila kapag normal na traffic lang ang makasagupa nila. Seven to eight hours naman kapag minalas sila at siksikan a
