“Hindi ka pa ba uuwi, mare? Ipagpabukas mo na kaya ‘yan…”
Si Ma’am Bridgette iyon na nasa likod ko habang pinapanood ako na ayusin ang garden bed sa tapat ng classroom namin. Nakasukbit na sa balikat niya ang shoulder bag, bukod sa hawak niyang eco bag ay may helmet din sa isa pang kamay. Gayak na gayak na pauwi.
“Maya-maya na ako, Ma’am. Tatapusin ko muna itong ginagawa ko,” sagot ko sa kaibigan.
Alas singko na ng hapon at maliwanag pa naman ang paligid. Iyon nga lang ay wala ng mga estudyante dahil pare-pareho nang nagsi-uwian. Ang ibang mga guro rin ay nagkani-kanya na ring uwi.
“Naku! Hindi ka patatayuan ng rebulto ng school sa kasipagan mo!” biro niya na ikinatawa ko.
Nasa plano ko na ngayong araw na ayusin itong garden bed namin. Nakahingi kasi ako ng sunflower kay Mrs. Dela C
