Kinagabihan ay pareho kaming nanonood ng TV ni Kuya Mark pero wala akong naiintindihan sa pinapanood namin dahil pakiramdam ko ay may mangyayari na hindi ko magugustuhan.
Kanina pa ako hindi mapakali simula noong natapos kaming kumain ng dinner. Kasabay pa namin na kumain ng hapunan ang hambog na Larwin na ‘yon at mukhang excited na excited pa siya kanina.
Hindi ko tuloy mapigilan na isipin na baka dahil ine-expect niyang pupunta ako sa annex kagaya ng gusto niya!
“Kahit mamuti ang mga mata mo ay hindi ako pupunta d’yan…”
Wala sa sariling sambit ko at hindi na namalayan na katabi ko pala si Kuya Mark na nanonood ng TV kaya napalingon siya sa akin at kumunot ang noo.
“Sino bang pupuntahan mo dapat, Mau?” usisa niya. Umiling ako at magpapaliwanag na sana pero hindi ko na nagawa dahil sa
