Kahit na nag-jogging na ako ang halos isang oras ay hindi pa rin talaga tuluyang naging kalmado ang isip ko dahil sa sinabi ng Larwin na ‘yon.
Hanggang sa nakabalik ako sa corporate house ay ramdam na ramdam ko pa rin ang gigil lalo na nang napatingin ako sa annex, ang extension house ng building na ito. Kung hindi ako nagkakamali ay doon tumutuloy sa ngayon ang mayabang na Larwin na ‘yon dahil sa ginagawa niyang pag-aabang sa akin!
“Tingnan ko lang kung hindi mamuti ang mga mata mo sa kakahintay sa pagdating ko mamayang gabi!” Gigil na bulalas ko habang nakatingin sa annex. Wala akong balak na sundin ang gusto niya na makipagkita sa kanya mamayang gabi. Hindi pa rin nagbabago ang isip ko na ‘wag magtrabaho para sa kanya kahit na tinakot na niya akong tatanggalin sa trabaho ang mga emple
