“Nasa annex pa rin si Boss Larwin, Mau…”
Kakagising ko pa lang ay iyon na kaagad ang bumungad sa akin na balita galing kay Kuya Mark. Magdamag ko siyang hinintay na dumating kagabi pero hindi ko na namalayan at nakatulog na ako kaya ngayong umaga ko na siya nakita ulit.
Sa halip tuloy na maghahanap ako ng trabaho ngayon ay parang bigla akong nawalan ng gana. Sino ba naman ang gaganahan kung ang balitang maririnig mo ay tungkol sa Larwin na ‘yon? Kahit anong balita basta tungkol sa kanya ay nakakasira ng araw!
“Sabi ko naman kasi sa’yo, Kuya Mark. Magpapakita na ako at magpapakilala sa kanya para tumigil na siya sa kakahanap sa akin,” nakasimangot na sambit ko. “Tsaka ‘di ba sabi mo ay kapag nalaman niyang babae ako ay siguradong titigil na siya dahil wala naman siyang balak na mag-hire
