“Tinanggap ka ni Boss Larwin kahit na alam na babae ka, Mau?”
Isang malakas pero alam kong pabiro na batok ang agad na natamo ng isang tauhan dito sa corporate house mula kay Kuya Franco. Nagtawanan ang halos lahat ng nakakita kaya pati tuloy ako ay nakitawa na rin kasama nila.
“Pagpasensyahan mo na itong isang ito, Mau. Huling-huli sa tsismis. Ayaw kasi ni Boss Justin ng tsismis kaya automatic na nagsara na ang tenga nito pagdating sa tsismis!” Natatawang paliwanag ni Kuya Franco. Mabilis na ipinaliwanag nila sa kanya ang sitwasyon kaya agad namang nakasunod ito pero halata pa rin sa mukha niya ang pagkalito.
“Sigurado kayong naniwala si Boss Larwin na lalaki siya?”
Hindi pa rin tumitigil sa kakausisa ang isa sa mga bodyguards ni Boss Justin kaya napapatingin kami lahat sa kanya haban
