“Mag-iingat ka dito, Mau. Tumawag ka lang kapag may naging problema ka dito sa camp.”
Sunod-sunod na tumango ako matapos marinig ang bilin ni Kuya Mark. Kasalukuyan kaming nandito sa labas ng training camp kung saan ako nakatakdang mag-training ng isang linggo.
Walang inaksaya na panahon si Boss Jared. Nang pumayag ako sa trabaho na inaalok niya ay nagbigay kaagad siya ng schedule para sa basic military training na kailangan kong gawin bago magsimula sa pagtatrabaho bilang bodyguard ni Larwin Ross.
Hindi na bago sa akin ang ganitong klase ng training kaya hindi na ako kinakabahan na hindi ako makapasa.
“Salamat, Kuya Mark. Ikaw na ang bahala kay Tatay kung sakaling tatawag siya sa’yo.”
Kagabi ay nagkaroon na ako ng lakas ng loob na sabihin kay Kuya Mark ang tungkol sa naging pag-uusap
