“Is this how fast you can drive?”
Kumunot ang noo ko nang nagsalita si Larwin na ngayon ay nakasakay sa likuran ng sasakyan. Sa pagkakaalam ko ay hindi naman mabagal ang pagmamaneho ko. Nabibilisan pa nga ako lalo na at maluwag naman ang daan at nagkataon na swerte kami dahil walang traffic.
Sinilip ko siya mula sa rearview mirror at agad na nasalubong ang mga mata niya. Prenteng nakahalukipkip siya doon at nakatingin sa akin. Halatang-halata sa mukha niya na naiinip na siya kahit na hindi naman talaga mabagal ang pagpapatakbo ko.
Gusto pa yata ng gagong ‘to ay iyong halos lalabas na ang kaluluwa niya dahil sa sobrang bilis ng takbo ng sasakyan!
“Nababagalan ka pa ba dito?” Tanong ko sa malalim na boses. Ang sabi niya kanina ay ‘wag ko siyang tawaging ‘Boss’ kung hindi pa ako sanay. Ma
