“Okay ka lang ba, Mau?”
Muntik pa akong napakislot nang marinig ang tanong ni Ma’am Lady nang muling nakapasok dito sa loob. Kanina pa ako pabalik balik sa labas ng bridal suite niya para mag-abang sa pagdating ni Larwin at ng babaeng kinababaliwan nito!
Simula noong sinabi sa akin ni Larwin na darating sa kasal ni Ma’am Lady ang Maple Reynolds na ‘yon ay hindi na ako mapakali. Nagpasya kasi akong ‘wag sabihin kay Ma’am Lady ang tungkol doon dahil ayaw kong sumapit ang araw ng kasal niya na masama ang loob niya sa kuya niya. Kahit naman kumukulo ang dugo ko sa Larwin Ross na ‘yon ay ayaw ko pa rin na magkaroon sila ng samaan ng loob ni Ma’am Lady lalo na at ikakasal na siya.
At ngayon na sumapit na ang araw ng kasal ni Ma’am Lady ay hindi tuloy ako mapakali. Hindi ko alam kung paanong s
